للغناء الجميل

بتـــــــــــكرك
اداء : احمد شاويش
بتذكرك وقت الكلام يصبح صعب
وكت النجم يتلالي زي عقداً يضوي عليه ماس
وانا في المداين الضايعه .. ضايع لي زمن
غريب عيون سرحان علي الارض الغريبه
بسال الشوق عن وطن
بسال الناس عن شوارع .. فيها سافرت ومشيت
وعن كلام داير اقوله .. قلت فيه ياما غنيت وبكيت
وعن عيونك وكيف بتصدح فيها احلام الاماني
وكيف بتصبح لهجه تانيه مع الاغاني
والسفر خلاني اشتاق للسفر
لو القي لي خاطراً سمح
كان كلمه واحدة اقوله بداوي الجرح
كان مره في عينك انسي
ومره اقسي
ومره ياخدني النعاس



فقط للغناء الجميل
انتظروا

.

عمنا عبدالرحمن ازييك ي امير
مرحبا بك في دوحة الغنا الجميل

هلا يا اميرنا
في زمتك شوف بالله الاتنين ماتو
قادر الله




كون بخير

[برضى بطمع تانى ترجع
برضى راجى الدينا تبسم لينا فى افراحها تجمع
وانشاءالله

الامير وعوض العريس
كونو زي ما دايرين يديكم العافية والغنا الجميل

عائدة محمد الحسن كتب:

[برضى بطمع تانى ترجع
برضى راجى الدينا تبسم لينا فى افراحها تجمع
وانشاءالله

مرحبا عايدة دوما انتي سابقة لنا في تنقية الاشياء الجميلة
حتي باقي العمر شيلو

الرائع وليم اندريا
كفاية مزاح

مزمل ي قلب
ياخ مشتاقين وعلك مثلما تود

ابراهيم خوجلي

اوووووه
تطربني القماري




من اوصاف عديده ظهرت لي قوافي
وفنون جديده افكاري تايهه
يا جميل انت جافي ونيراني بتزيده
شايل قلبي عندك والروح انت سيده
...يا عقد الجواهر يا معني القصيده
وتضرب بي سهامك ارواحنا وتصيده
والروح تهوي زاتاوحبيبي انت عيده
والبدرين تهابك من حسنك بعيده
نظراتك دوايه ومامنظور تعيده
ولو طيفك يزورني دي الليله السعيده
تطربني القماري في غصنك نشيده
يا حسد المحاسن يا المنيه الوحيده
وانا يانور عيوني محبتي فيك اكيده
يا الصاين جمالك حسادك تكيده
قربك لي سعاده وشوفتك مفيده
انا بشكيلك ظروفي وحظوظي العنيده
ويالنعسان عيونك لي عينا سهيده
بي حالي وسهادي نجوم الليل شهيده

المسئولية المسئولية
أي زهرة جميلة زابلة إنتو مسئولين تجاها
وأي شمعة الريح طفاها كونوا إنفاسا وضياها
كل زول بحمل رسالة أمينة صادقة بعيد مداها
يعرف التاريخ بيحسب كل خطواتوا المشاها
والحدود الفاصلة هي ؟يبقي عندنا مسئولية
حـب بلادكـ حـب بلادكـ
حب عيون أطفالكـ الحلوين
وأعمل وغنــي أكتوبر غـــني أكتوبر غني أكتوبر
صباح الرحمة بي أنواروا أقبل يغمر الكون بي شروقوا
وللبعيد أفراحو توصل
ونسمة الحرية منك للبلاد الطيبة ترحل
لي شعوب حرة وأبية رافعة راية المسئولية

عمنا عبدالرحمن والاستاذ علاءالدين
مشكورين علي المرور

الغنا اجمل منجز انساني تقريبا ي جماعة انا بشوف كدا
ابقو قراب