الكتابه في العربات (الركشات +الحافلات)

اليوم عندي موضوع شويه عاجبني وياريت الناس تشارك فيه
والموضوع باختصار العبارات المكتوبه في المركبات العامه والخاصه
يعني في عبارات مضحكه وعبارات ساخره وعبارات ماتفهم منها حاجه ومن العبارات التي صادفتني

* الزارعنا غير الله اليجي يقلعنا
اها دي معناها شنوووووووووو؟؟؟؟؟؟؟؟؟؟؟

* عبور المحيط علي العصافير صعب

* واحد في لوري لنقل التراب كاتب ( قشاش الدموع )

* الاتس تجقلب والشكر للرقشات

* بكره السفر مجاااااااااااان ولحدي هسي بكره ماجات

* عينك في الامجاد تركب الرقشات هههههههههههه

*أحلى تعبير لاقاني في ركشة :: كاتب ..
( هسي بلف ) .. . < هع هع

*أكتر عبارة ضحكتني واحد بتاع ركشة كاتب : ( سيدا نايم وانا حايم ) ههههه والله ده حالتو صعبة وتحنن بالجد

*في وحده مكتوبة في لوري
وجع الجنرال رجع ههههههههه

*واحد راسم ليهو سمكة ( والله تقول راسما بي كراعو ) وكاتب : ده سمك ولا شنو ؟؟

*وواحد بتاع حافلة كاتب في المراية : شايفني ؟؟

فى بتاع حافلة فى الخرطوم كاتب اوكامبو جاكم
والله دا بااالغ ههههههه
بتاع لورى مرة كاتب [مفترى حبه] واخد ليه علقة جامدة قام غيرها وكتب الله فى

ودي كمااان ضحكتي
عندو حافلة تعباااااااااااااااااااااااانة شديييييييييييييييييييييييييييييد..كاتب فيها
كــــــــــــــــــعــــــــــــــــب الــــــــــــــــعـــــــــــــــــدم

واحد كمان كاتب ... اوجد جذر س2

برضوو

واحد بتاع حافله كاتب كلو ما تربي كتكوت يكبر يفوت (اسي دا قااصد شنوو يا ربي) ههههه

طبعاً كل واحد كتب الكلام دا بفهم ماساكت ياربي كانت نفسيتم كيف لمن كتبوا الكلام دا ؟؟؟؟؟
يلا كل واحد اكيد لاقته عباره مكتوبه في مركبه ياريت كل واحد يكتب العبارات التي قابلته
تقبلو تحياتي

واحد حلفاوي كاتب في باب اللوري الخلفي _ بلى وانجلى ونحن قريناها بلي بكسرة على الباء وانجلى بكسرة على الجيم على اعتبار انها رطانة حلفاوية وسألنا الحلفاويين عن معناها فلم يعرفوا ؟؟ فسألنا السواق فقال .. ده نشيد بتاع وردى __ بلاء وانجلى

واحد كاتب على عربته __ يا تورمنى أي ثور منى
واحد قراها يا تورمني أي تنفخني

واحد كاتب:
{واقفين تحننو...راكبين تجننو}

مرة في السوق المركزي بالخرطوم لقيت ولد عندو درداقة كاتب عليها (ظروف يمه) ..
يا اقبال الدرداقة عربية برضو الا يسوي ليها كمساري!!

تسلمو كتير علي المشاركه والاستجابه اخواني الاكابركمال ناصر وعبد الرحمن
( واحد كاتب في الدرداقه كمان كلام حلو كاتب دمي ولا دمعة امي- -

واحد كاتب هذا الجامبو ضد أوكامبو.... واحد كاتب البحر واحد والسمك أنواع... وواحد تاني كاتب في حافلة تعبانة يا مالك الجود والعطا إما تزيدا وإما تزعطا... لكن دا بالغ عديييل

هههههههه اما تزيدا واما تظعطا تسلم ممدوح .......
ويااستاذ ناصر كمان حتي في الكارو ههههه

ناصر البهدير كتب:

ده يا ناصر أظنو مرفود من الخدمة

فى المصنع واحد كاتب فى تنكر ماء:
{التنكر حساس ياناس}.ولم أستطع فهم
ما يقصده ولابد من أن هناك دافعاً للكتابة
ولكن إحساس التنكر لم أستطع فهمه.
واحد كاتب فى حافلة:
{فى الدنيا جات صدفة}

في البدء الشكر للاخت اقبال لتناول هذا الادب الجديد القديم والذي جاء في وعاء جديد والذي انتشر في السودان منذ فترة طويلة يكاد ان يكون مقصورا علينا نحن السودانيين وهذه ظاهرة جديرة بالاهتمام والدراسة. وهذا الادب لم يكن مقصورا على المركبات العامة والخاصة فقط بل نجده على الدراجات النارية والهوائية وجدران المنازل والعمارات تحت التشييد وعربات الكارو والركشة وبل زين ردهات الكثيرمن المحلات العامة وغيرها من الاشياء الاخرى والتي وجدت سبيلا لنشر هذا الادب وكما نجد مع ذلك انتشرت رسومات جميلة شهدتها الكثير من المباني تحت التشييد خاصة في ام درمان والخرطوم. وفي ادبنا القديم نجد ايضا التذكارات التي كانت تنقش على جدران المنزل والتي لا تزال بارزة في الكثير من البيوت القديمة وكان لنا اهتماما كبيرا بتلك التذكارات والتي لم تتعد الاسم وتاريخ التدوين فقط وبالطبع هذ لم تكن البدايات الباكرة لتلك اللافتات ويمكن ملاحظة ذلك في جدران الاثار التاريخية القديمة في جبل البركل والكرو ونوري وكبوشية وغيرها وهذا يقودنا الى ان منشأ الظاهرة قديم قدم الانسان نفسه.
ما لفت انتباهي في منتصف التسعينات من القرن الماضي رسومات كثيرة منتشرة على درهات المباني تحت التشييد خاصة في ام درمان وفي دور السينما ولقد وقفت عليها منبهرا من دقة الرسم وبراعته وتابعت المسألة حتى عرفت ان وراء هذا الابداع شماسة الشوراع وهؤلاء لهم مقدرة فائقة عن التعبير تجلت في هذه الرسومات المدهشة ومنذ ذلك الوقت تابعت هذه الظاهرة وانتقلت الى رصد المركبات العامة والخاصة حتى تكونت لي ذخيرة كبيرة من تلك العبارات والتي افردت لها حيزا من الدراسة لم تر النور لاسباب كثيرة واخاف الان على ضياع تلك المستندات التي دونت عليها تلك الحكايات بسبب الانتقال من مسكن لاخر.
بلاشك ان هذا الاهتمام تبلور في دراسة قام بها الاخوين التوأم حسن وحسين وقتها كانوا يدرسون بقسم اللغة العربية بجامعة النيلين والان هم معلمين في جهة النيل الابيض وهم من ابناء كوستى. وقد اهتموا بتلك الظاهرة ورصدوها وقدموا لها تحليل كبير جدا استند على القضايا الاجتماعية والسياسية والثقافية وغيرها من الاشياء التي ساهمت في انتشار الظاهرة ..
قد لا اجد غضاضة في وصف الظاهرة بانها نوع من الادب القديم والمتجدد مثله ومثل الكثير من الادب الذي لا يزال مستمر. قد نجد في عرضنا البسيط لها انها تناولت قضايا جديدة لم يتناولها القدماء على سبيل المثال ابان هجرة الكثير من ابناء السودان في منتصف السبيعنات من القرن الماضي حيث عادت مدخراتهم في شكل مركبات خاصة ملأت البلد وحينها ظهرت تلك العبارات على ظهرها بصورة ملفتة ان صح الرصد واخذ موقعه من الدقة وأمل ان يقدم البعض مدخلات تفيد أكثر وتوضح تاريخ الظاهرة علة نحو بين غير ما تناولته حتى تتضح الحقيقة .. وظرهت عبارات كثير وضحت بجلاء ما يدور في خلد الكثير من المغتربين واهتمامتهم التي انعكست في شكل لافتات على مؤخرة عرباتهم ..
والشيء الجدير بالملاحظة في هذه الادب نجد انه عبارة عن لافتات صغيرة توضح الحالة النفسية والمزاجية والاجتناعية والثقافية والسياسية لكاتبها على نحو دقيق ولم تكن محض فراغ بل من المؤكد ان وراء العبارة شخص استطاع توصيف حالته وما يحمله من هم وفكر وادب ونضج وقيم اجتماعية وسياسية وقضايا وجد لها منفذا للتعبير في تلك الاماكن والتي ينظر اليها البعض شذر مذر ولكن دعونا ان نتوقف اين يعبر هؤلاء عن مقاصدهم؟ هل بالامكان ان نطالب صاحب درادقة او كارو او سائق مركبة ان يحمل قلما وكراسة للتدوين؟ علما بان هؤلاء في معظهم لم ينل حظا من التعليم الا اليسير لذا لا نجدهم يهتمون بالتدوين مثل ما يفعل الاخرون.. وايضا يتخذ اطفال الشوارع للتعبير ادواتهم من الشارع نفسه مثل الفحم بالطبع كان الحائط اقرب اليهم من حبل الوريد خاصة تلك المباني التي يعيشون فيها ويهيمون بقربها ..
هذا الادب كبير ويحتاج الى دراسة ورصد وتحليل على نحو أكبر مما نتناوله الان ...

الحبيب ناصر:
أصاب سهمك هدفه تماماً كعهدى به
فالموضوع كبير ومليان ويحتاج لدراسة عميقة
أكيد أن من يكتب شيئاً على مركبة تخصه يعنى
شيئاً قد يكون عميقاً أكثر مما نتخيل.. ولاحظت
أشخاص أميين يحضرون خطاطاً ويدفعون له
ما يطلب ليكتب لهم العبارة أو الجملة التى
تعبر عنه وتقول مايعتمل فى داخله.
مثال: أحدهم كتب فى عربته:
{سَفَلال قتلينى}وسفلال كلمة برطانة البنى عامر
وتعنى الشوق الشديد وقتلينى تعنى قتلنى وهى بالرطانة
ممايدل ليس بالضرورة أن يكون الكلام مفهوماً بل هى
حالة يعبر عنها كل شخص بطريقته الخاصة...
ولكم كل الود....

لعل الخطاط صحابي بحلفا الجديدة واحد من هؤلاء الذين يحملون ريشتهم في صف الحروف الانيقة على جنبات لواري وباصات السفجنة بقرى العرب والاسكان في مشهد ينم عن حراك ثقافي كبير كان ينتظم المنطقة ولكن صحابي قد غادر المدينة الى الخرطوم ولقد وجدته صدفة ذات يوم يمارس مهتنه عند مدخل حلة كوكو ببحري بجوار كلية الانتاج الحيواني بجامعة السودان اواخر تسعينات القرن الماضي.
ما ذكرته أخي عبد الرحمن عن توصيف الظاهرة بالفعل هى عميقة ويصعب سبر أغوارها دائماً وفك طلاسمها أياً كانت الاجتهادات ويبدو أن ظاهر دراستها يحتاج إلى كبير عناء خاصة أن تصدر من أناس بسطاء لا يفلسفون الكلم وليس لهم علاقة بادوات النقد والادب فقط ينطلقون من خلال حدسهم وفطرتهم لكن دعني اقول لك شيئا ربما تتفق فيه معي .. نجد ان البدوي اي اقصد ذلك الانسان الذي يقطن الريف يمتاز بذكاء حاد وفطري كبير لم تلونه المدينة بشوائبها لذا هو أكثر دفقا ودقة في وصف ما يمر به من مشاهدات خلال يومه العادي لا ينتظر إي إيماءات أكثر من مرور الموقف عليه فقط .. فسرعة البداهة إكتسبها من سبل كسب العيش وتلك الطبيعة الهادئة التي تمنحه قوة وعطاءا زاخرا على كل حال هو أكثر الناس قدرة على التعبير بادوات بسيطة ولغة غير معقدة ومع ذلك أضافت إليه وسائل الاعلام الكثير من المتانة في حشد الصور البلاغية وغيرها من الاساليب التي تضفي على الموضوع بعدا كبيرا.

يديك العافيه ياستاذ لقد اتحفتنا كنا مفتكرين الناس تكتب من غير فهم لكن كما اشرت سابقا انو صحيح نوافقك الراي

بكره السفر مجاااااااااااان ولحدي هسي بكره ماجات

فعلا الكتابه علي العربات فيها الغريب والمضحك والغير مفهوم ..........مره انا لاقاني بص واقف في حته (مهلهل )وملجن يعني مافيه امل يتحرك تاني مكتوب فيه (لكل ظالم نهايه) ..
طبعا الواحد لمن تكون عربتو جديده وعاجباه تلقاه كاتب سمحه العافيه ...ماشاء الله .........خلوها ياحساد ...سيري وعين الله ترعاك لكن لمن تكون مكعكعه تلقاه كاتب بالنيه ....ياساتر .يامسهل ...
وتحيات

كاتب في ركشتو

سيدا نايم وانا حاايم

الموضوع جميل وشيق واكيد لنا عودة بالمشيئة

وكعربون كده واحد بتاع ركشة كاتب

نفسى اقطع بيك الكبرى

بتاع دفار

ماتدفر براى بمشى

فى مصر اغلب المكتوب على العربات والركشات سترك يارب لكن فى مرات على عربيه جميله تلقى العباره دى

ماتبصليس ياعبيط انا شريها بالتقسيط

وعلى ركشه.... ياأرض انهدى معاذ معدى

الــزلــزال

كأنى كنت على موعد مع هذا البوست
قبل أقل من ساعة كنت خارجاً من جامع السوق
بعد صلاة العشاء...وجدت أمامى خارج المسجد
عربة تويوتا{حلفا - المصنع}مكتوب عليها بالإتجاهين
{صفى ضميرك...مادام الموت مصيرك}

زمان كان في لوري في المصنع تابع للقسم الزراعي مكتوب عليهو (يا عظيم) ...
لسه موجود ولا انترم ولحق امات طه!!

عباره هزتني في حافله
]لاتسرع يابابا نحن بـانتظارك ...

{لاتسرع الموت أسرع}
سئل مساعد لورى عن حكمة يؤمن بها..
{العفش داخل البص على مسئولية صاحبه}.
واحد كاتب داخل مراية عربته..
{كلمينى يا ..............}.

بكون قاصد يعبد الرحمن كلميني ياحلو العيون
في لووووووووووووووري كاتب يفتش في الغريق لقي المطفح فات
وتاني كاتب واحد في عجله اقاربك عقاربك

ههههههههه واحد كاتب
( يكون من شنو ؟ )

من الطراائف التى مرت بى فى اخر زياره للخرطوم مرا بجانبى سايق ركشه كاتب عليها اغنية الرائع ذيدان

مكتوب على الركشه فى الليله ومرسوم بالطرف ديك

يحكي أن ظابط في منطقة الخياري والدنيا
رمضان مسخن .. طلع العصر علي الشارع وقف
عربيته وداير يكسر الوقت .. مر عليه لوري
مكتوب عليهو ( يحلنا الحلا بله) . الظابط
وقف اللوري ونزل السائق وقعد يزرزر فيهو
إنت قاصد شنو بكلامك دا ؟ والسائق المسكين
يحلف إنو هو زاتو ما عارف . والكتابة دي
لقاها مكتوبة في اللوري . الزرزرا طالت والظابط
فتر والوقت راح . وقال للسائق خلاص يلا أمشي لكن
لما تصل أمسح الكتابة دي .. الظابط ركب عربيتو
ومشي بعد شوية شاف السائق جاري ب وراء العربية
وينادي للظابط يا جنابو يا جنابو وقف الظابط
وصل السائق وبي نفس متقطع قال ليهو :
يا جنابو يخيل لي بله دا بكون أنحلا ليهو
من زرزرا زي حقت لي دي ..

ههههههههههههههه
واحد كاتب في ركشتو

(يارب تكبر لي وتبقي لي برادو

نقطة : 39690 تاريخ التسجيل : 01/01/1970

الابداع في هذا الموضوع لأصحاب الخيال الواسع والكتابات علي العربات في واحد كاتب حيرتونا كده(حير2نا)وتاني بخاف كده(بخاf) وطعمية طع100 تخريمة الشيخ محمد الحسن الشايقي علق قال:- العربية لمن تكون جديدة يكتيوا فيها غزالة ولمن تبقي مكركبة (يالطيف-سترك يارب)

واحد بتاع حافله كاتب كلو ما تربي كتكوت يكبر يفوت (اسي دا قااصد شنوو يا ربي) ههههه
قاصد الكمسارى

هههههههه والله دا حقو راح يانور
برضو ركبت مع بتاع ركشه من جبره ـــــــ عد حسين فالمشوار طويل سالني بتاع الركشه حاقول ليكم الكلام بي حزافيرو...(انت خلصتي قلته ليه ايوه واساله كتيره سالني ليها تؤمني بالقسمه قلته ليه ايوه يعني ممكن تتصوري يوم اكون قسمتك قولته ليه حسب ايماني بالله ايوه لكن ؟؟؟؟؟؟ برضو يعني سالني مرتبطه ولا مخطوبه وكدا فجاوبت ايوا فقام قال لي ليه يعني بنات حواء انا حاستخير لما نزلت قال لي عايني ورا الركشه شوفي في شنو
اول ما نزلت قريت مكتوب( انا مالي فيني شنو؟
والله ثلاثه تاثرت شديد
تقبلو مروري

شكرا اقبال وانت تنقلي لنا واقعا معاشا للناس وهى مشكلات طفحت على السطح
وصراحة اعجبت بفكرة نقلك للحوار الذي دار بينك وبين سائق الركشة وهو يوضح ملامح اوضاع جديدة بدأت تطفو وتشكل ظواهر اجتماعية جديدة ...

كاتب واحد في حافلتو المفطوم بي اللبن ما بسكتو اللوليه

مع إحترامي للبنات

بس التعليق مضحك وحاولت اطرحو علي المنتدي

واحد كاتب علي زجاج عربته ( إذداد إحترامي للكلاب بعد معرفتي للبنات)

الظاهر دا ملدوووووغ

شكرا على هذا الموضوع الرائع الاخت اقبال فالكتابة على المركبات هي انعكاس طبيعي لثقافة المجتمع المقصود فانا قابلتني عبارة لم اعرف معناها او المقصود منها حتى الان وذلك ايام الدراسة الجامعية في سنار تلك المدينة المدهشة فاصحاب الركشات في سنار كانوا يكتبون عبارة واحدة وكانها علامة تجارية مميزة وهذه العبارة هي (وقعت ليك ولا اعيدا ليك ) وفي مدينة كسلا كانت عبارة (الدنيا خطاوي وسر غامض ) اما الغرابة والتفرد كان في تلك العربة التى كتب في خلفيتها (2س+4ص-6=0) وهي عبارات ما زلت ابحث عن معناها الحقيقي

[b]ههههههههه دي عايزه ليها مدرسة قيادة استاذ ناصر

**من الطرائف أن أحدهم كتب على عربيته ( الإنقاذ )
ولما سألوه؟؟ قال :علشان ماتنقلب...
**ويقال أن احد الشوايقة اشترى لوري وكتب عليه
"السنـــــــــــــجك" ,,, فغضب واغتاظ جاره الجعلي
وبعد جهد جهيد اشترى دفارا وأتى بالخطاط,, فسأله
الخطَاط ماذا أكتب لك؟؟ ففكر الجعلي قليلا ثم
رد عليه ,,, اكتب عليهو " هيييييييييييييييييع "
** وقديما لازلت اتذكر عبارات وكتابات في بعض اللواري
والبصات من المصنع ,,, كانت عبارة "إستنيني" مكتوبة على
بص ابراهيم مريسة بطريقة غريبة حتى خلتها رطانة حلفاويين
فسألت ابراهيم وعرفت انها عنوان أغنية وردي الشهيرة,,
وفي بص بشير مهدي في الطبلون الامامي كُتب :
"زي إبل الرحيل شايلا السقا وعطشانة" وفسرها أحد الاصدقاء
بإنها نوع من الغزل الصريح خاصة وأن هذا البص لايرحَل
الا البنات.....
**وهنالك ايضا بعض البصات واللواري من المصنع مكتوب
عليها : مرت الأيام_ دايرة صبر_ ياعظيم _ ياساريا الجبل_
المريود_فزع القفَن في بكسي الجابري_وايلن جلتمي في بص
محمد سالم_ خلَوها ياحُسَاد

يعطيكم العافية تسلمووووو
واحد كاتب في شكل حكمة
سبحان من خلق الخلق ولم ينسي احد
وقسم الرزق ولم ينسي احد

عائد السيد كتب:: **من الطرائف أن أحدهم كتب على عربيته ( الإنقاذ )
ولما سألوه؟؟ قال :علشان ماتنقلب...
**ويقال أن احد الشوايقة اشترى لوري وكتب عليه
"السنـــــــــــــجك" ,,, فغضب واغتاظ جاره الجعلي
وبعد جهد جهيد اشترى دفارا وأتى بالخطاط,, فسأله
الخطَاط ماذا أكتب لك؟؟ ففكر الجعلي قليلا ثم
رد عليه ,,, اكتب عليهو " هيييييييييييييييييع "
** وقديما لازلت اتذكر عبارات وكتابات في بعض اللواري
والبصات من المصنع ,,, كانت عبارة "إستنيني" مكتوبة على
بص ابراهيم مريسة بطريقة غريبة حتى خلتها رطانة حلفاويين
فسألت ابراهيم وعرفت انها عنوان أغنية وردي الشهيرة,,
وفي بص بشير مهدي في الطبلون الامامي كُتب :
"زي إبل الرحيل شايلا السقا وعطشانة" وفسرها أحد الاصدقاء
بإنها نوع من الغزل الصريح خاصة وأن هذا البص لايرحَل
الا البنات.....
**وهنالك ايضا بعض البصات واللواري من المصنع مكتوب
عليها : مرت الأيام_ دايرة صبر_ ياعظيم _ ياساريا الجبل_
المريود_فزع القفَن في بكسي الجابري_وايلن جلتمي في بص
محمد سالم_ خلَوها ياحُسَاد

شكراً يا استاذنا .. والله ضحكتنا رغم ما يحيط بنا ..

الرائعة جداً بتاعت الجعلي .. والاروع من رائعة بتاعت بص بشير مهدي ..

شكراً يا وريف .. علي اعطائنا الابتسامة

قالوا نحن اهل
العز أهل
اقسام يا سهام
الصابرات روابح ولو يجن قماح
الصقر كان وقع كترة البتابت عيب
التور لو وقع تكتر سكاكينو
نــــــــــــــاهد
واقفين تحننوا وراكبن تججنوا ( للطلاب )
جميلة ومستحيلة
يقولون
فارنا ولا كديسة الجيران

لكم التحيه جميعا ما اعجبنى هو عبارة
حتى هدف حياتى طلع تسلل
واحيانا اعزتى يتاثر بعض الناس بما حولهم من احداث وبالتالى يقومون بعكسها
فى صورة عبارات على مركباتهم العامه او محلاتهم التجاريه مثل الذى كتب على عربته
الحشره الشعبيه
والكثير من العبارات مثل
ليبلا ليبل
وهذه بلهجة اهلنا الطيبين البنى عامر وهى من العبارات التى انتشر كثيرا
لكم الشكر احبتى

هههه والله بتاع العجلة يالبهدير قمة القناعة